jump to navigation

Bahtera Nuh ditemukan 28/02/2009

Posted by TheTales in Ba Karlota.
Tags: , , , , ,
trackback

Berita ini kita terima der tamang yang kirim e-mail 3 hari lalu, sadiki kage mar ini kenyataan …..
Bahtera Nuh so lama jadi kontroversi segala golongan dimuka bumi ini, awalnya cerita ini berasal dari Alkitab.

Ada yang bilang dongeng-nya Alkitab mar ada juga yang mendukung kebenaran akan tu cerita (termasuk kita sandiri ).
Mar skarang komang itu yang nda mendukung cerita itu so boleh badiang alias boleh ta nga-nga deng ini temuan yang secara nda sengaja oleh Kapten angkatan darat Turki.
Waktu itu tuama angkatan darat itu cuma maksud mo bateliti foto-foto pegunungan Ararat kong kage skali dia ada dapa fosil yang rupa so ba batu mar basar skali, langsung Tuama itu pangge peneliti arkelog pastikan apakah temuan itu.
nuh
Akhirnya dorang beking ekspedisi lanjut, gale per gale akhirnya yakin itu fosil kapal yang so membatu, kong tu lebe kage serta dorang ukur ternyata dia p ukuran sama persis deng yang ada ta tulis di Alkitab tentang ukuran Bahtera Nuh, baik dia p panjang, lebar deng tinggi nyanda ada beda.
nuh1
Bahtera Nuh ini di temukan di pegunungan Ararat/Turki, sama persis deng yang ada tatulis di Alkitab. Trus tampa penemuan itu juga skarang so jadi obyek wisata kong boleh dikunjungi samua orang (termasuk torang-torang he….he…🙂 ).
nuh2
Praise the Lord…………………..

Komentar»

1. Magori - 28/02/2009

To Ronny……. Kong tempo apa dang tu rukun mo pa siar ka sana….

2. RONNY - 28/02/2009

TO: Magori
He…he… Kapan kang, jang dulu tre pikir itu mar bagimana torang mo cuti ulang desember sama2 soalnya ada undangan der Pix (io toh Pix)…

3. javerly - 28/02/2009

🙂 Sorry ron… bukang undangan.. soalnya kita lei blum tantu kalu mo pulang 😦 … kita cuma kase usul sapa tau banya yang setuju… kalu banya tu mo pulang ta rasa banya lei tu mo ba paksa pulang 😆 😆 😆

Ronny - 28/02/2009

Oh…. Kal bagitu nda jadi pulang dang kita Pix.
Kita kira ngana mo pulang, so lama nda baku dapa kwa…….
Ok dang….. Magori, brarti torang so musti putar ulang tu cerita biarjo Desember ke Ararat … he… he…🙂🙂

4. Magori - 28/02/2009

To Ronny ….. He…he… Qta baru plng kerja, jadi baru konek. Eh kumpul2 jo no tu cuti kong sapa tau nanti pake mo pigi ka Ararat… Ha…..ha…. Menggayal kapa.???

5. Magori - 28/02/2009

To Javerly
Eh so talalu lama tong nda baku dapa deng baku kabar.kang, he.,, he…. Ngana sibuk sx sampe…. So lupa pi lia2 tu kampung sandiri he….he..,

6. javerly - 02/03/2009

To : Ronny & Magori

🙂 sorry sebelumnya … he..he..,
mudah-mudahan torang boleh baku dapa kalu pulang kampung…
kita lei so rindu pulang mar… biarjo… soalnya tu kampung tetap ja dapa lia biar cuma di internet he..he.. apalagi skarang di internet so rame deng orang lemoh… kalu kita buka internet sama deng da pulang kampung he.. he..

7. ;-)Magory - 02/03/2009

To Javerly ha…..ha….. Biar lei so banya tu o. Lemoh ja ba internet mar masih lebe banya tu nyanda.jadi masih lebe bagus klu ja pi lia2 tu kampung he….. he….. Oi toh.

8. javerly - 03/03/2009

To : Magory
Butul itu bos… satu saat pasti torang mo pulang… he..he..
kalu mo pulang nanti ta kase tau pa ngoni he..he..

9. ;-)Magory - 06/03/2009

To Javerly Boss apa.,…bos pope. he….he…..
Ngana tre tu boss no.

10. tenny suatan - 06/03/2009

to magori
klu tu doi blh mo bicara dia somo blng so nda ada tampa tu mo taru akang

11. ;-)Magory - 06/03/2009

To Tenny he……he……..memang butul untung tu doi nda bicara, klu boleh bicara dia somo blng tu magory memang pope.

12. Ronny - 06/03/2009

Ha… ha… ha…. Rupa-rupa jo ngana Nin.

13. javerly - 07/03/2009

ha..ha.. baku ambe jo ngoni tu bos bos…
kalu tu doi mo bicara paling dia mo bilang “so fugado kita cuma da isi-isi di dompet ” he..he..

14. ryan - 29/05/2010

jika pada mereka yang tidak percaya itu haknya
tapi jika kejaian sudah berlangsung maka….
berakhirlah…

15. ryan - 29/05/2010

apakah anda dan saya harus membuktikan dalam ,hal nyata…? jika benar demikian…
maka Nyatalah KuasaNYA…

16. dhakka. Sidikalang indonesia - 02/06/2010

jika memang bahtera Nabi Nuh benar-benar nyata ditemukan di Turkey.
Nyatakan kuasa Allah pada Saya


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: